شعر : همت شهبازی
شعر:
همت شهبازی
گونشلی پینارلاردا
سیلدیریم قایالی گؤزلری‌نین
شیره‌سی
آخیرر
رررر
او شیرین،
او ایستکلی
او یئمه‌لی
او نیلوفر قوخولو دوداقلارین
اوره‌ییمین اته‌یینی ایسیندیریر
بیر یانار شام کیمی
ساچاقلاری اوچوقلاییر
قارانقوشلار
تاوانلاشیر
لاپ سون بوجاغیندا ائویمین
کپنک‌لرله سئویشیر بالیق‌لار
سو آشیریمی زانباق‌لارین کؤلگه‌سینده
آخ!
بو کوله‌یین یوموشاق اسمه‌سی اولسایدی
قارتال دا
قوناردی قارانقوشلارین یوواسینا
###
شعر #غروب درگیسی نین 11.جی ساییندا چاپ اولموش.
#درگی نین بوتون امکداشلارینا تشکرومو بیلدیره رک یالنیز آیدینلیق گتیرمک اوچون عزیز اوخوجولارین قوللوغونا چاتدیریرام کی درگی ده، شعرین سونوندا چاپدا گلن " #اوزانتیسینا" کلمه سی یانلیش اولاراق گلمیشدیر.
+ نوشته شده در پنجشنبه ۱۳۹۸/۰۳/۲۳ ساعت 18:16 توسط هـ.شهبازی
|
بو وئبلاگ ادبی - نظری وئبلاگ دیر بو ساحه لرده بوتون یازی لاری قبول ائده رک یازارلارین اؤز آدلاریلا یایماغا حاضیردیر